Saturday, 20 December 2014

Kamee

Kabhi jeene ke liye zindagi adhoori reh gayi, kabhi marne ke liye maut kam pad gayi

Kabhi poore karne ke liye khwaahishe na thi, kabhi sapno ko poora karne ko neende kam pad gayi

Khidki se jhaanka to nazaare na thay, kabhi nazaaro ke deedaar ko nazar poori na thi

Mere ambar ko takte takte meri gardan akad gayi, mere paanv sote rahe aur neeche se unke zameen nikal gayi

samandar mei paanv rakha to waha banwar ban gayi, ret ka sahara liya to daldal nigal gayi

Maine chaaha to bahut par paaya kuch nahi, meri arzoo thi behad magar haasil kuch nahi

Na jaane aur kitni kamiyo ko abhi poora karna baaki hai, na jaane aur kitni meri koshisho mei shiddat baaki hai

Mai chal raha hu magar thake hue pairo se, ghayal zakhmi jism liye, ki abhi to pehle in zakhmo pe marham lagana baaki hai

No comments:

Post a Comment

There was an error in this gadget