Saturday, 26 August 2017

ek jalpari shubhda

Soot si kheechi tune saagar pe rekha... maine palat ke deka aur kshitij ka naam de diya

Safed sa aasamaan jise milta hai rang badalte hue, kabhi khtam na ho uss ambar ko dharti ke safar ka kaam de diya

Ujli si aati ye lehrei kab neele hare mei badal jati hai, sagar ko bhi shayad khud ki shakhsiyat ka gumaan nhi hota

Mai ret pe khada takta hu samandar ko, ek lehar aye aur mujhe bahaa le jaye, uss kshitij k kinaarr pe shaayad pahucha de tu hi

Wo kshitij jiski chahat maine kinaaro pe hi rehke ki, shaayad aas paas ki bheed se ghabra gaya tha mai

Kabhi tair kr samndar mei aaunga teri  baaho mei, ae jalpari mai tera paani hu samaa jaunga teri saanso mei

Tab tak tu krna intezaar mera, guzarti hui naavo mei rehna tu parcham ki tarah, jo hawaa ki raaah bas takta hai phir bhi lehro mei rehta hai

Tu bhi aisi hi kashti h meri jiska mai bechain sa saahil hu, ek jalpari si tu, naavik sa mai, haan ab bhi tere kaabil hu

Tuesday, 10 January 2017

Andardwand.. ya anth

Ret si zinadgi mutthi se yun fisal jaati hai, bikhri si har taraf bas apne hi haatho mei nahi

Sagar ki god mei baith kr khud ko khuda samajh liya, magar pyasa reh jaunga kabhi socha hi nahi

Sardiyo ki dhoop ka swaad chakh kar kirno se dosti kr li, iss kadar jhulas jayega ye jism garmi mei koi andesha tak nahi

Savero mei chhupe sannato se kaano ke parde fatay, to andhero mei aati roshni se chundhiya gayi aankhei

Kis kadar udhdi hai ummeed ki maili ye chaadar, ki thithurte rishto ko garmayi ab, deti hai chitaaye khwaahish ki

Friday, 16 December 2016

Na-ummeed

Ek boond kabhi jo paani ki uss dharti se takrayi thi, mitti ki sookhi parto pe seelan si jab gehrai thi, Mehak padi dharti bhi jhat se, hawaa mei khushboo chhayi thi

Patte bhi pedo pe lehrake khushi se jhoome jaate thay, kuch toot toot ke daalo se dharti ko gale lagaate thay

Ambar bhi jaise gehrakar ek rang naya banata tha, aur roshan krne dharti ko wo bijli ke diye jalata tha

Par baarish ka mann tha kise pata wo to balkhati lehrati thi, apne hi husn pe itrati wo muska ke tehli jati thi

Baadal ki god mei baithi wo chal padi samandar ke raste, dharti ko karke waade kal ke, lehro mei mili wo has has ke

Uss dharaa ko kya samjhaye koi, iss kadar luti uski ummeed, bas pathraayi si rehti hai, sookhe patto ka bojh liye

Ab ambar bhi sehma sa kuch dharti ki veerani takta hai, hawaa mei koi mehek nahi, sannato ka asar sa dikhta hai

Wednesday, 14 December 2016

Karam

Badalne se fitrat gunaaho ka asar kam nahi hota, ye chakra vyooh hai samay ka jo guzarne se hal nahi hota

Kuch baatei jo sun ke bhi ansuni ki, wo hi badal deti hai maayne zindagi ke, ki har kisi ko meri shakhsiyat ka koi ek pehlu kyu bardaasht nahi hota

Pal pal badalti lakeerei hai maathe pe, har lakeer ka matlab haalaat nahi hota, badalne to haalat nikalte hai hum, jaane kab badal jati hai fitrat kabhi gaur nahi hota

Gaur karte agar to gunaah humse thode kam hue hote, kuch asar to zindagi pe kambhaqat kam hua hota

Asar hota agar kam to mai thoda jyada ho jata, thodi mehnat bhi lagti kam, thoda sa jyada muskata

Mai muskata abhi bhi hu ki mujh mei jaan hai baaki, besharmi si abhi bhi hai, wo yun kaise chali jati

Wednesday, 9 November 2016

Thokar

Kal chalte chalte raste pe thokar se gira mai jor se dham, dekha raste mei patthar tha, mitti k dher se gaya tha ban

Pairo  mei uth-ti teeso mei, mera dhyaan gaya mere agal bagal, har kisi ko thokar pe paya, bhag-dad mei teesei hui thi gum

Wo mitti jiske patthar ki thokar se mera dhyaan bataa, wo mitti meri daali thi, ankur ko ugaane wali thi

Paudhe na khile uss mitti pe, jaise kabar gyi dharti ki ban, issay achhi to waha wo ghaas thi pehle, junglee hi sahi par haraa tha rang

Ab laal hai rang bhi mitti ka, jaise khoon ki holi kheli ho, aur baarish ki raah takte takte bas mausam ki maar hi jheli ho

Maine uthke apne kapde jhaade, mitti mei waha jo gaye thay san, phir mai bhi ban gaya bheed ka hissa, cheesei thi meri bhi shor mei gum.

Friday, 26 August 2016

Niyam

Dagmag Dagmag chaal h meri, chalta hu lehrata sa, jagmag jagmag duniya ki kirno se hu andhiyaata sa

Taktak taktak rasta dekhe mitti ki parte baarish ka, jhamjham jhamjham megha na barse, inhe ilm nahi kisi khwaahish ka

Tharthar Tharthar hawa ki cheekhei parvat se jaake takraayei, sannato mei phir ghul jati wo, parvat se na oonchi uth paayi

Gharad gharad wo baadal garje parvat ko dikhaye ithla kar, aa jaye usay neeche choone uski hasti ko jhuthla kar

Ye lehrei bhi samandar ki chalti hai thodi balkha kar, jaise samtal sagar ke paani ke neeche ki zameen pe hulchul ho

Yaha har koi iss kudrat mei jab seedhe raste chalta hai, wo dikhta hai thoda tedha sa jaise apni marzi karta hai

Kudrat ka niyam bhi yahi h bas tu apne raste badhta chal, par niyam to hai insaaano ka jo sab par laagoo hota hai

Teri chaal ho seedhi inka kanoon, tu tedha sa kyu chalta hai,  tu andho ki iss nagri mei ekakul kyu rehta hai

Mai bola to meri zubaan katey, mai na bolu to hriday pisay, mai sochu iske baare mei kaise, mere bheje pe pehre hai lage

Ab shaayad ek hi rasta hai, mai duniya mei ghul mil jau,  phir banke hissa parvat ka chattaane kuch sarka pau

Thursday, 11 August 2016

Mai

Pathraate se rasto pe jab  mai tha tab chalta jata, Kya maloom tha ja pahunchunga chalte chalte mai baadal ke makmal rasto pe

Inn rasto pe safar jo hai unki na koi manzil hai, bas chalna hai aur chalte jao, koi farq nahi koi ilm nahi kya khoya hai kya haasil hai

Mere per mai jitne chhale thay unhe ghule hue ek sadi hui, aidhi pe bani daraaro ko bhi bhare hue ek sadi hue

Kabhi masti mei mai baadal ke sang baarish ban kar hu barsaata, phir ban ke kabhi kiran sunahri ambar pe mai hu chhaa jata

Mai pedo pe bhi rehta hu, tehni pe patto sa ugta hu, mai phoolo mei hu kaanto sa, ankur ki jado mei rehta hu

Mai mitti hu ma hi ambar mai hi pawan ka hissa hu, mai himmat hu mai hu darr bhi, mai asafaltaao ka kissa hu

Bas ye hi h afsaana mera jo kr diya hai bayaan tujhse, tu maane ya na maane mai hi mai mujhe ab dikhta hu
There was an error in this gadget