Saturday, 26 August 2017

ek jalpari shubhda

Soot si kheechi tune saagar pe rekha... maine palat ke deka aur kshitij ka naam de diya

Safed sa aasamaan jise milta hai rang badalte hue, kabhi khtam na ho uss ambar ko dharti ke safar ka kaam de diya

Ujli si aati ye lehrei kab neele hare mei badal jati hai, sagar ko bhi shayad khud ki shakhsiyat ka gumaan nhi hota

Mai ret pe khada takta hu samandar ko, ek lehar aye aur mujhe bahaa le jaye, uss kshitij k kinaarr pe shaayad pahucha de tu hi

Wo kshitij jiski chahat maine kinaaro pe hi rehke ki, shaayad aas paas ki bheed se ghabra gaya tha mai

Kabhi tair kr samndar mei aaunga teri  baaho mei, ae jalpari mai tera paani hu samaa jaunga teri saanso mei

Tab tak tu krna intezaar mera, guzarti hui naavo mei rehna tu parcham ki tarah, jo hawaa ki raaah bas takta hai phir bhi lehro mei rehta hai

Tu bhi aisi hi kashti h meri jiska mai bechain sa saahil hu, ek jalpari si tu, naavik sa mai, haan ab bhi tere kaabil hu

5 comments:

  1. Wowwwwwwwwwwwwwwwww....what a choice of words nd unbeatable expression...gzb

    ReplyDelete
  2. Wowwwwwwwwwwwwwwwww....what a choice of words nd unbeatable expression...gzb

    ReplyDelete
    Replies
    1. Thank you so much bhabhi.. u r always kind 😀😀

      Delete
  3. Its not kindness...m just so generous...no its really amazingest

    ReplyDelete
    Replies
    1. Hahahahahh.. adorable you are. . Salute :)

      Delete

There was an error in this gadget