Manzil Zaroorat ki

Ittfaaqo pe nahi rakhta Safar mei aitbaar mai, darr hai kahi ittefaaq se bhi phir ittefaaq na ho jaaye

Bade ehtiyaat se manzilo pe chal nikla hu, ki kadmo ko jamaana hai rasto pe iss baar mujhe

Karta hu qubool ki thoda nadaan hu mai, kabhi sach se parichit to kabhi jhoot se anjaan hu mai,

Har koshish mei hai aag meri, aur aandhi si hai chaal meri, chaahe dhuaan ho ya daldal ho, ummeedo ki ab jaan hu mai

Rastay ka apne dhyaan mujhe hai, manzil ka apni gyaan mujhe hai, kuch girta sambhla chalta hu,

Nazro pe hai chhaaya andhiyaara aur pairo mei ab chhaalay hai, phir bhi nange paav hu badhta, naram nahi hai talve ab

Ummeed hai bas ke chalta chalta itna duur nikal jaau, ki pehen ke chashma sone ka, joote mai silva paau.